Dental Health

သွားဖုံးရောဂါနဲ့ ဦးခေါင်း လည်ချောင်း ကင်ဆာ ဆက်နွယ်
By သား ညွန့်ဦး
08 October 2009
Periodontitis is a chronic inflammatory disease that affects the gums and bone supporting the teeth
Periodontitis is a chronic inflammatory disease that affects the gums and bone supporting the teeth
အောက်တိုဘာ ၇၊ ၂၀၀၉။ လူတိုင်းဟာ အပြုံးလှ ပိုင်ရှင်ဖြစ်လိုပါတယ်။ ဒါကြောင့် နေ့စဉ် ညစဉ် သွားတိုက်ပြီး သွားဂရုစိုက်ကြပါတယ်။ ဒါပေမယ့် ခံတွင်းသန့်ရှင်းရေးဟာ သွားတိုက်ရုံတခုတည်းနဲ့ မပြီးပါဘူး။ သွားနဲ့ သွားဖုံးကို အသေအချာ ဂရုတစိုက် သန့်စင်ဖို့လိုပါတယ်။
ခံတွင်း မသန့်ရှင်းတာကြောင့် ကိုယ့်အတွက် အသက်အန္တရာယ်ကိုပါ ထိခိုက်စေတဲ့ အခြားကျန်းမာရေး ထိခိုက်မှုတွေရှိတာကြောင့် ခံတွင်း သန့်ရှင်းရေးဂရုစိုက်တာဟာ သွားနဲ့ခံတွင်းအတွက်တင်မဟုတ်ပဲ မိမိ အသက်အန္တရာယ်ကိုပါ ကာကွယ်ခြင်းဖြစ်တယ်လို့ သုတေသနပြုချက်အသစ် ရလဒ်တွေက ဖော်ပြပါတယ်။ ဘာကြောင့်လဲဆိုတော့ သွားဖုံးရောဂါဟာ ကင်ဆာရောဂါတွေနဲ့ပါ ဆက်နွယ်နေတယ်ဆိုတာ လေ့လာတွေ့ရှိခဲ့တာကြောင့်ပါ။

တကယ်တော့ ခံတွင်းထဲမှာ ဘတ်တီးရီးယားပိုးတွေ အပြည့်ရှိပါတယ်။ ဒီ ဘတ်တီးရီယားပိုးတွေဟာ သွားဖုံးနဲ့ သွားရဲ့ အက်ကြောင်းနေရာ ကျဉ်းကျဉ်းလေးတွေထဲ ခိုအောင်းနေပါတယ်။ ဒါကြောင့် ဒီပိုးတွေကို ပုံမှန် ရှင်းလင်းတာမရှိရင် ဘတ်တီးရီယားကြောင့် ခံတွင်းမှာ ရောဂါရပါတယ်။ သွားဖုံးထဲက အရိုးနဲ့ သွားပတ်ပတ်လည်က တစ်သျှူးအသားနုစတွေကို ပျက်စီးစေပါတယ်။

ဒီလို Gum Disease သွားဖုံးရောဂါ ပြင်းထန်တဲ့လူမျိုးတွေမှာ ကင်ဆာရောဂါဖြစ်နိုင်ချေ ပိုများတာတွေ့ရတယ်လို့ အမေရိကန်ပြည်ထောင်စု Buffalo တက္ကသိုလ် သွားဖက်ဆိုင်ရာ ဆေးပညာရပ်ဌာနရဲ့ သုတေသနပြုချက်အချို့မှာ တွေ့ရပါတယ်။ ဦးခေါင်းနဲ့လည်ချောင်းပိုင်းဖြစ်တဲ့ ကင်ဆာရောဂါတွေနဲ့ သွားဖုံးရောဂါ ဆက်နွယ်တယ်ဆိုတဲ့ ရလဒ်တွေ့ခဲ့ရတာပါ။

အရင် လေ့လာချက်တွေမှာလည်း သွားဖုံးရောဂါနဲ့ နှလုံးရောဂါ ဆီးချိုရောဂါ ဆက်စပ်နေတယ်ဆိုတာကိုလည်း တွေ့ခဲ့ရဖူးပါတယ်။

ဒါကြောင့် နေ့စဉ်သွားတိုက်နေရုံနဲ့ ခံတွင်းသန့်ရှင်းရေးမလုံလောက်ပါဘူး။ သွားကို နေ့စဉ်နှစ်ကြိမ်တိုက်တာအပြင် သွားနဲ့ ခံတွင်းကြား ညှပ်နေတတ်တဲ့ အစာဟောင်းတွေကိုထုတ်ဖို့ သွားဖုံးပွတ်ကြိုးအသုံးပြုတာ ပုံမှန်သွားဆရာဝန်နဲ့တွေ့ဆုံကုသတာမျိုးတွေ လုပ်ဖို့လိုပါတယ်။ အထူးသဖြင့် သွားတိုက်တဲ့အခါ သွားဖုံးက သွေးထွက်တာ သွားဖုံးယောင်တာမျိုးတွေရှိလာရင် အထူးသတိပြုရပါမယ်။

သွားဖုံးရောဂါနဲ့ ကင်ဆာဖြစ်ပွားမှု ဆက်နွယ်နေတယ်ဆိုတဲ့ နောက်ဆုံးတွေ့ရှိချက်ကို အခြေခံပြီး သွားဖုံးရောဂါအကြောင်း အခု အပတ်ကျန်းမာရေးအစီအစဉ်မှာ တင်ဆက်ထားပါတယ်။ နားဆင်နိုင်ပါတယ်။

This artical is taken from VOA News ( voanews.com ).

Related posts:

Filed Under: UNOB

Tags:

RSSComments (0)

Trackback URL

Leave a Reply